Орон нутгийн цагаар 28-ны өдөр Франкфуртын прокурорын газар Hyundai болон Kia Motors компанийн Герман, Люксембург дахь найман төлөөлөгчийн газарт нэгжлэг хийж, шаардлагатай бичиг баримт, эд материалыг хураан авсан гэж орон нутгийн хэвлэлүүд мэдээлэв.
Прокурорын хэлснээр, Hyundai болон Kia компаниудыг 2020 он хүртэл яндангийн хийг хянах төхөөрөмж бүхий 210 мянга орчим дизель хөдөлгүүртэй автомашиныг борлуулсан хэмээн буруутгаж байгаа юм.
Прокурорын зүгээс уг хөдөлгүүрийн программ хангамжийг Borgwarner группын харьяанд байдаг Bosch, Delphi зэрэг сэлбэгийн компаниуд үйлдвэрлэсэн гэж таамаглаж байгаа аж.
Энэ төхөөрөмж нь тээврийн хэрэгслийн яндангийн хий цэвэрлэх системийн ажиллагааг мэдэгдэхүйц бууруулж эсвэл унтрааж, зөвшөөрөгдөх хэмжээнээс хэтэрсэн азотын исэл ялгаруулдаг болох нь мэдэгдсэн байна.
Эдгээр автомашинууд нь 2015 оныг хүртэл хүчин төгөлдөр байсан байгаль орчны "Евро 5" стандарт болон илүү чангатгасан дараагийн хувилбар болох "Евро 6" стандартыг хангаагүйг хэрэгдэгчид мэдээгүй байсныг прокурорууд онцолжээ.
Эх сурвалж: MBC