Япон улсын ерөнхий сайд Фумио Кишидагийн мягмар гарагт мэдэгдсэнээр, түүний засгийн газар халууны улиралд эрчим хүчний нийлүүлэлтийг нэмэгдүүлэхийн тулд цөмийн реакторуудыг боломжит дээд хүчин чадлаар нь ажиллуулах болжээ.
Түүний өгүүлснээр Япон улсын хувьд эрчим хүч хамгийн их хэмжээгээр үйлдвэрлэдэг цөмийн реакторууд нь ажиллагаагүй байгаа тул тэдгээрийг эргэн ажиллуулахад шаардлагатай үнэлгээг яаралтай хийх болно хэмээсэн байна.
Энэ долоо хоногт тус улсын түүхэнд байгаагүй хамгийн халуун үе тохиож байгаа бөгөөд засгийн газраас түгшүүр зарлаж, ард иргэдийг эрчим хүчний хэрэглээгээ танаж, ус сайн ууж, агааржуулагчаа зохистой хэрэглэхийг зөвлөсөн юм. Улмаар бизнесийн байгууллагууд ч засгийн газрын зөвлөмжийг даган эрчим хүчний хэрэглээгээ танах болсон билээ.
Үйл явдлын хүрээнд ноён Кишида олон нийтийг эрчим хүчээ зохистой хэрэглэхийг уриалж, “Халуунаас үүдэн цус харвах нь санаа зовох ёстой асуудал. Тиймээс ч би ард иргэдээ эрчим хүчний хэрэглээгээ танахдаа бүх хэрэглээгээ хасаасай гэж хүсэхгүй байна. Тэд агааржуулагчаа ухаалгаар хэрэглэх ёстой” гэжээ.
Эх сурвалж: Nikkei Asia