Тэрбумтан Илон Маскаар овоглодог Тесла компани орон тооны цомхотгол хийхээ зарлаад удаагүй байхад тэд автомат жолоодлогын систем хөгжүүлэгчийн багаа ажлаас нь халжээ.
Тэдний зүгээс эдийн засгийн хямралаас үүдэн нийт ажилчдын 10 хувийг ажлаас халахаар төлөвлөсөн бөгөөд энэхүү төлөвлөгөөнийхөө хүрээнд Тесла өгөгдлийн ангилагч нараа ажлаас халсан байна.
Өгөгдлийн ангилагч гэдэг тодорхой өгөгдлийг гар аргаар оноон тэмдэглэж, хиймэл оюун ухаан таньж уншихад хялбар болгодог ажил хийдэг юм. Энэ нь хиймэл оюун ухаанаар ажилладаг системүүдийн хувьд маш чухал зүйл бөгөөд үүний тусламжтайгаар автомат жолоодлогын систем аюул багатай ажилладаг.
Харин сүүлийн жилүүдэд Тесла энэ ажлыг автоматаар хийдэг хиймэл оюун ухааныг хөгжүүлсэн тул энэ орон тоонд ажилладаг хүмүүсийн эрэлт эрс буурсан байна.
Тэдний хөгжүүлсэн хиймэл оюун ухаан Теслагийн загваруудаас нэг дор 10000 дүрс билэг татан авч, шүүгээд 7 хүрэхгүй хоногийн хугацаанд өгөгдлийг ангилдаг бол энэ ажлыг хүн хийхэд нэг дүрс бичлэгийг хэдэн сарын хугацаанд ангилж дуусгадаг ажээ.
Эх сурвалж: CNN