Пүрэв гарагт Өмнөд Солонгос улсын Хөдөлмөрийн хөлсний доод хэмжээний комиссоос мэдэгдсэнээр, тус улс ирэх оноос эхлэн хөдөлмөрийн хөлсний доод хэмжээгээ 5 хувиар нэмж, улс даяар хөдөлмөрийн нэг цагийн хөлс хамгийн багадаа 9620 вон байхаар заажээ.
Ингэснээр БНСУ хөдөлмөрийн хөлсний доод хэмжээгээр АНУ, Япон улстай эн зэрэгцэх болж байгаа юм. АНУ-ын хувьд хөдөлмөрийн хөлсний доод хэмжээ нь цагийн 7.25 ам.доллар байдаг бол Япон улсын хувьд 7.66 ам.доллар байдаг ажээ.
Комиссын зүгээс мэдэгдсэнээр хөдөлмөрийн хөлсний доод хэмжээг 5 хувиар өсгөх шийдвэрийг тэд энэ оны дотоодын эдийн засгийн өсөлт хийгээд хэрэглэгчийн үнийн өсөлтөд тулгуурлан гаргасан гэнэ.
Харин Хөдөлмөр эрхлэлт, ажиллах хүчний яамнаас мэдээлснээр тэд ирэх наймдугаар сарын эхэн үед энэхүү шийдвэрийг эцэслэн батлах болжээ.
БНСУ-ын хувьд хэрэглэгчийн үнийн өсөлт ард иргэдийн худалдан авах чадварыг эрчимтэй бууруулж байгаа тул ийнхүү хөдөлмөрийн хөлсний доод хэмжээг өсгөхөөр шийдвэрлэсэн байна.
Э сурвалж: Nikkei Asia
Манайд ажлын хөлсний доод хэмжээ 520,0 төгрөг болгоно гээд байгаа билүү, хүмүүс маань бүгд хөдөлмөрийн мөлжлөгт өртдөг юм байна