Пёньяны төрийн хэвлэлээс баталснаар Хойд Солонгос улсад илэрсэн коронавирусийн халдвар тус улсын ард иргэд Өмнөд Солонгосын хилийн ойролцоо унасан харийн зүйлсэд хүрснээр орж ирсэн гэжээ.
Тийнхүү тэд ард иргэдийг Солонгосын хилийг даван орж ирсэн эд зүйлсийн эргэн тойронд сонор сэрэмжтэй явахыг анхааруулсан байна.
Харин тэдний энэ мэдэгдлийн хариуд Өмнөд Солонгос улс коронавирусийг тийм замаар хил давсан байх боломжгүй гэж мэдэгджээ.
Гэсэн ч БНАСАУ-ын хэвлэлийнхний мэдээлснээр, тус улсад коронавирусийн халдвараар анхлан халдварласан хоёр ч хүн Өмнөд Солонгосын хилийн ойролцоо үл мэдэгдэх биетэд ойр явсан гэнэ.
Түүнээс хойш тус улсад коронавирус эрчимтэй тархаж, 4.7 сая хүн “халуурах” шинж тэмдэгтэй бүртгэгдсэн байна.
БНАСАУ-ын удирдагч Ким Жон Уны тодорхойлсноор энэхүү тархалт нь тус улс үүсгэн байгуулагдсанаас хойш хамгийн ноцтой үймээн самуун гэжээ.
Эх сурвалж: BBC