Ням гарагт Австрали улсын ерөнхий сайд Энтони Албанез Оросын алтны импорт хийгээд Оросын 16 иргэнд хориг тавих болсныг зарлажээ.
Энэ тухай Ройтерс агентлагаас анхлан мэдээлсэн бөгөөд ноён Албанезын хэлснээр хориг Оросын сайд болон бизнес эрхлэгчдийг хамарна хэмээсэн байна.
Тийнхүү шинэ хоригийг тооцвол Австрали улс Оросын нийт 843 иргэний эсрэг хориг тавьсан болж байгаа юм.
Үйл явдлын хүрээнд тэрээр Австрали улсын зүгээс Украин улсад дахин 20 “Бушмастер” загварын байлдааны хуягт машин, 14 хуягт тээвэрлэгчийг илгээх болсноо мэдэгдсэн байна.
Ташрамд дурдахад, Энтони Албанезын өдгөө Украин улсын Киев хотноо айлчлал хийж байгаа бөгөөд ерөнхийлөгч Володимир Зеленськийтэй уулзаж байгаа ажээ.
Эх сурвалж: ТАСС
Удахгүй усан доогуур орох гэж байж дэмий чалчих юм