Сири улсын ОХУ-д суугаа элчин сайд Риад Хаддад ТАСС мэдээллийн агентлагт ярилцлага өгчээ. Ярилцлагад тэрээр барууныхан хоригийн бодлого хэрэгжиж буй үед Сири улс Мир төлбөрийн системд холбогдохыг чухал гэж үзэж байгаагаа хуваалцсан байна.
Түүний хэлснээр, “Мир төлбөрийн системийг бүтээх санаа 2015 онд гарсан. Барууныхан Оросын банкнуудыг өөрсдийн төлбөрийн системээс хассаны дараа энэхүү санаа нь юун түрүүнд Оросын нутаг дэвсгэр дээр бие даасан төлбөрийн системийг бий болгоход төвлөрсөн. Сири улсын хувьд өмнө нь ижил төстэй хоригт орж байсан учраас барууны төлбөрийн системийг орлуулж болох өөр системүүдийг ихээхэн сонирхож байгаа. Дэлхий дахинаа барууны шахалтад өртөж, хоригт орсон бүх л улсад тэдний төлбөрийн системийг орлуулж болох төлбөрийн системийн эрэлт эрчимтэй өсөж байна” гэсэн юм.
Ноён Хаддадын цохон тэмдэглэснээр, “ОХУ Украинд цэргийн тусгай ажиллагаагаа явуулж, АНУ болоод барууныхан Оросын эсрэг хориг тавих болсноор дэлхийн эдийн засаг асар их өөрчлөлттэй тулж байна. Энэ нь Москвагийн талыг өөр, тэдэнд нээлттэй банкны системийг ашиглахад хүргэсэн” хэмээжээ.
Эх сурвалж: ТАСС