Өнгөрөгч сард Тайланд улсын инфляц сүүлийн 14 жилийн хугацаан дахь хамгийн өндөр түвшинд хүрч, бодлогын хүүг ойрын хугацаанд нэмнэ гэсэн хүлээлтийг үүсгэх болжээ. Гэвч тус улсын Арилжааны яамнаас анхааруулснаар бараа бүтээгдэхүүний үнэ ирэх саруудад ч өсөх гэнэ.

Тайландын инфляцыг өнгөрөгч оны мөн үетэй харьцуулахад даруй 7.66 хувиар өссөн бөгөөд үнийн өсөлтөд нөлөөлсөн гол хүчин зүйл нь эрчим хүчний үнэ юм.

Арилжааны яамны дээд албан тушаалтны мэдэгдсэнээр үнийн өсөлт энэ оны сүүлээр буурах тооцоотой байгаа гэсэн байна. Түүний өгүүлснээр Тайланд улсын 2022 оны дундаж инфляц 4.5 хувьтай гарах тооцоотой гэжээ.

Гэвч Тайландын Төв банкнаас мэдэгдэж байгаагаар 2022 оны дундаж инфляц 6.2 хувьд хүрэх юм. Тийнхүү инфляцын өсөлтийг тогтоон барихын тулд Тайландын Төв банкны Мөнгөний Бодлогын хороо ирэх наймдугаар сарын хурлаараа бодлогын хүүгөсгөх эсэхээ шийдэх болжээ.

Эх сурвалж: Nikkei Asia