Саяхан албаа хүлээн авсан Шри Ланка улсын ерөнхий сайд, эдийн засгийн сайд Ранил Викремеингхэ улсынхаа эдийн засгийг тогтворжуулж чадна гэдэгтээ бүрэн итгэлтэй байгаагаа илэрхийлж, эдийн засгийг тогтворжуулахад 18 сар шаардлагатай байгааг анхааруулжээ.
Энэ тухайд тэрээр Аль Жазийра мэдээллийн агентлагт өгсөн ярилцлагадаа дурдсан бөгөөд түүний хэлснээр, “Ирэх он бидний хувьд тун хүндхэн байх ч 2024 оноос бүх зүйл эргээд байрандаа орох учиртай.
Бүх зүйл хяналтаас гарч байхад манай улс бараг 2 хоног засаггүй байж үзлээ. Тухайн хугацаанд надад ганц бодол төрсөн нь эх оронд чинь нөхцөл байдал муудаж байхад амжилт олох эсэхдээ эргэлзэн суух цаг үгүй, удирдлагыг гартаа авч, амжилтад хүрэхээр хичээх хэрэгтэй гэсэн бодол.
Би хувьдаа эдийн засгаа тогтворжуулж чадна гэдэгтээ итгэлтэй байна” гэсэн юм.
Ташрамд дурдахад өдгөө 73 настай Ранил Викремесингхэгийн хувьд ерөнхий сайдын албыг урьд нийт 5 удаа хашиж байсан бөгөөд энэ удаагийн албатай нийлээд 6 удаа ерөнхий сайдаар тодорч байсан хүн ажээ.
Эх сурвалж: Al Jazeera