Эрдоган: Турк улс ойрын 10 хоногийн хугацаанд үр тарианы коридор гаргах ажилд ахиц гарна гэж найдаж байна
7 сарын 6. 22:110

Мягмар гарагт Турк улсын ерөнхийлөгч Эрдоган ойрын 10 хоногийн хугацаанд Украины үр тариаг Хар тэнгисээр дамжуулан экспортлох гарцыг бий болгох ажилд ахиц гарна гэж найдаж байгаагаа хуваалцжээ.

Энэ талаар тэрээр Италийн ерөнхий сайд Марио Драгитай хийсэн уулзалтын дараа өгүүлсэн байна.

Түүний хэлснээр, “Одоогийн байдлаар Хар тэнгисээр дамжуулан Украины үр тариаг гаргах тухай асуудлыг шийдвэрлэх нь нэн тэргүүний ажил болоод байна. Энэ асуудалд ерөнхийлөгч Владимир Путин болоод Володимир Зеленський нарын шийдвэр маш чухал нөлөөтэй байна.

Бидний зүгээс хоёр талтай хийх яриагаа үргэлжлүүлж, үйл явдлыг НҮБ-ын зүгээс анхааралдаа аваасай гэж хүсэж байна. Бид энэхүү яриаг амжилттай болгох үүднээс хүчин чармайлтаа нэмэгдүүлж, ойрын 7-10 хоногийн дотор ямар нэг үр дүн үзнэ гэж итгэж байна.

Учир нь дэлхий дахинаа нэн ялангуяа Африк тивд үр тарианы хомсдол маш ноцтой түвшинд хүрээд байна” гэжээ.


Эх сурвалж: ТАСС

Энэ мэдээнд өгөх таны сэтгэгдэл?
0
0
0
0
0
0
1
Сэтгэгдэл үлдээх
Нийт 0 сэтгэгдэл
Онцлох мэдээ