Баасан гарагт NHK сувгаас мэдээлснээр, Японы ерөнхий сайд асан Шинзо Абэг Нара хотод олон нийтэд хандан үг хэлж байх үеэр нэгэн зэвсэгт этгээд түүн рүү галлан онож шархдуулсан учир эмнэлэгт хүргэгджээ.
Кёдо агентлагаас мэдээлж байгаагаар өдгөө 67 настай Шинзо Абэгийн хувьд одоогоор зүрхний хэм нь алдагдсан байдалтай гэсэн байна.
Хэргийн газар байсан NHK сувгийн сурвалжлагчийн мэдэгдсэнээр ноён Абэг үг хэлэх үеэр нийт 2 удаа буун дуу сонсогдсон гэнэ.
Үйл явдлын хүрээнд Япон улсын засгийн газрын ерөнхий нарийн бичгийн дарга өнөөдөр хэвлэлийн бага хурал хийх болжээ.
Шинзо Абэгийн хувьд анх 2006 онд ерөнхий сайдын албан тушаалыг хүлээн авч байсан ч нэг жил хүрэхгүй хугацааны дараа эрүүл мэндийн шалтгаанаар албан тушаалаа хүлээлгэн өгч, 2012 онд дахин ерөнхий сайдаар сонгогдсон юм.
Эх сурвалж: The Reuters