Пүрэв гарагт Их Британи улсын ерөнхий сайд Борис Жонсон Консерватив намын удирдагчийн албаа хүлээлгэн өгөх болжээ. Учир нь түүний бүрдүүлсэн кабинетын гишүүд огцрох хүсэлтээ олноор өгснөөр түүний эрх мэдэл эрчимтэй суларсан байна.
Тийнхүү ноён Жонсон 10 Даунинг Стрийт гудамжинд өөрийн дэмжигчид, үзэгчдэд хандан “Засгийн газарт олонх болсон Консерватив намын хүсэл зориг өдгөө маш тодорхой болж, тэд шинэ удирдагч, шинэ ерөнхий сайдтай болох ёстой гэдэг нь илэрхий болов” гэж мэдэгдсэн юм.
Харин Вашингтон Пост сониноос мэдээлснээр, түүний хэлсэн үгэнд ямар ч гэмшил хийгээд сэтгэл хөдлөл байгаагүй бөгөөд өөрийн уналтад намаа буруутгасан гэсэн байна.
Ийн тайлбарлахдаа тэд түүний хэлсэн үгийг эш татаж, “Бид Вестминстерт юу болдгийг харсанчлан сүргийн зөн совин гэдэг маш хүчтэй зүйл. Сүрэг хөдлөхөд Вестминстер дагаад хөдөлдөг. Нөхөд минь, улс төрд хэний ч зайлшгүй хэрэг байдаггүй. Манай улс гайхалтай, Дарвины системийнхээ хүчинд дахин нэг манлайлагч бүтээх нь гарцаагүй” хэмээснийг онцолжээ.
Эх сурвалж: Washington Post
Энэ ч улс төрийн үхдэл гэж байдаг бол үхдэл боллоо
Их британи гэж хүн сүрэг юм байна ухамсар амьд явахад нөлөөлдөг хүн сүрэгт орших нь нөлөөлдөг ухамсаргүйгээр . Буухдаа ч ард иргэдээ дормжилохгүй далд орохгүй . Монголд танкчин гарч ирж укрианыг хамгаална гэсэн үү . Монголыг хамгаална гэсэн үү