Баасан гарагт Японы NHK сувгаас тус улсын ерөнхий сайд асан Шинзо Абэ халдлагад өртөж, биеийн байдал тааруу байгаа талаар мэдээлсэн билээ. Тэгвэл бага үдийн алдад халдлагад өртсөн ноён Абэ Токиогийн цагаар 18 цагийн орчим амьсгал хураажээ.
NHK агентлагаас мэдээлснээр, “Япон улсын Либерал Ардчилсан намын албан тушаалтны мэдэгдсэнээр, ерөнхий сайд асан Шинзо Абэ Нара мужийн Кашихара хотод эмнэлгийн тусламж авч байхдаа шархаа даалгүй нас барлаа” гэсэн юм.
Тийнхүү NHK суваг болон Jiji мэдээллийн агентлагаас баталснаар ерөнхий сайд асан Шинзо Абэ амиа алдсан нь батлагджээ.
Үйл явдлын хүрээнд тус улсын өнөөгийн ерөнхий сайд Фумио Кишида мэдэгдэл хийсэн бөгөөд түүний хэлснээр, “Энэхүү халдлага нь ардчиллын үндэс болсон сонгуулийн үеэр гарсан туйлын харгис хэрэг юм. Үүнийг хэрхэвч уучилж болохгүй” гэсэн байна.
Харин халдлагыг үйлдсэн гэмт этгээдийн хувьд цагдаагийн байгууллагаас 41 настай нэгэн эрийг сэжигтнээр татаж, саатуулсан юм.
Эх сурвалж: Al Jazeera