АНУ Японы баруун өмнөд хэсэгт орших арлуудад дунд тусгалын баллистик пуужин байрлуулах талаар Японы талтай ярилцаж байна гэж Хятадын төрийн хэвлэл мэдээллээ.
Хятадын Коммунист намын албан ёсны сонин болох People's Daily сонины харьяа Global Times орон нутгийн цагаар 9-ний өдөр нэрээ нууцалсан эх сурвалжаас иш татан, Японы өөрийгөө хамгаалах хүчин болон АНУ-ын арми өнгөрсөн жилээс хойш уг төлөвлөгөөний талаар хэд хэдэн удаа хэлэлцсэн тухай мэдээлэв.
Энэ нь Окинава, Тайвань, Филиппин, Малаккагийн хоолойг холбосон шугамын хамгаалалтын сүлжээг бэхжүүлэх замаар Хятадын нэгдэлд саад учруулахаар оролдож буй нэгээхэн алхам болох шинжтэй гэж тус сонин дүгнэжээ.
Японы Кишидагийн танхим АНУ-ын дунд тусгалын пуужин байрлуулах талаар эцсийн шийдвэр гаргаагүй байгаа ч Японы өөрийгөө хамгаалах хүчин урьдчилсан бэлтгэлээ үе шаттайгаар хийж байна гэж тус сонинд бичжээ.
Нэмж дурдахад, өнгөрсөн хоёрдугаар сард болсон Гадаад хэргийн болон Батлан хамгаалахын сайд нарын бага хурлын үеэр АНУ, Японы хамтарсан мэдэгдэлд АНУ-ын арми болон Японы өөрийгөө хамгаалах хүчин Японы баруун өмнөд хэсгийн арлуудын цэргийн байгууламжийн хамтын ажиллагааны түвшинг үе шаттайгаар нэмэгдүүлэхээр шийдсэн тухай танилцуулав.
Энэ оны эхээр Японоос АНУ-д суугаа элчин сайд Кожи Томита энэ оны эхээр Politico хэвлэл мэдээллийн агентлагт өгсөн ярилцлагадаа Японы удирдагчид Америкийн газар дээр суурилсан баллистик буюу далавчит пуужинг тус улсын нутаг дэвсгэрт байрлуулах талаар бодож байгаа гэж мэдэгджээ.
1987 онд ОХУ-тай байгуулсан Дунд тусгалын цөмийн зэвсгийн тухай гэрээтэй холбоотой 30 гаруй жилийн турш дунд тусгалын пуужингийн бүтээн байгуулалтыг хязгаарлаж ирсэн АНУ 2019 онд Трампын засаг захиргааны үед уг гэрээнээс гарсан бөгөөд үүнийг Хятадыг хязгаарлах тал дээр арга хэмжээ авч буй алхам байсан гэх дүгнэлтийг шинжээчид их хийсэн билээ.
Эх сурвалж: MBC