Еврогийн ханш сүүлийн 20 орчим жилийн хугацаанд анх удаа ам.долларын ханшаас доош унажээ.
Ройтерс агентлагийн орон нутгийн цагаар 13-ны өдөр мэдээлснээр, еврогийн ам.доллартай харьцах ханш нэг өдрийн дотор 0.9998 болж буурсан нь 2002 оны 12-р сараас хойших хамгийн доод үзүүлэлт болсныг онцолжээ. Өмнөх өдөр нь еврогийн ам.доллартай харьцах ханш 1.004-тэй тэнцэж байсан юм.
Еврогийн ханшийн уналт нь евро бүсийн эдийн засгийн уналт болон ОХУ-ын талаас байгалийн хийн нийлүүлэлтийг зогсоож болзошгүй гэсэн болгоомжлол нэмэгдэж байгаатай холбоотой гэж үзэж байна.
Түүнчлэн өнгөрсөн зургадугаар сард АНУ-ын хэрэглээний үнийн инфляцийн түвшин 9.1 хувьд хүрсэн тухай мэдээлэл гарсны дараагаар АНУ-ын төв банкыг бодлогын хүүгээ өсгөх магадлалтай хэмээн шинжээчид үзэж байгаа нь мөн нөлөөлснийг үгүйсгэх аргагүй.
Эх сурвалж: Kyunghyang