АНУ-ын Сангийн сайд Жанет Йеллен орон нутгийн цагаар 14-ний өдөр хэлэхдээ, ОХУ Украинд халдан довтолсон явдал нь дэлхийн эдийн засагт хамгийн хүнд сорилт болж байна хэмээв.
Франс Пресс болон CNBC агентлагийн мэдээлснээр, Сангийн сайд Йеллен Индонезийн Бали аралд зохион байгуулагдах гэж буй “Их 20”-ийн бүлгийн сангийн сайд нарын уулзалтыг угтан болсон хэвлэлийн бага хурлын үеэр хэлэхдээ "Энэ цаг үеийн хамгийн хүнд сорилт бол ОХУ Украинд түрэмгийлснээс үүдэн гарч байна" хэмээн мэдэгджээ.
Тэрээр “Дайны сөрөг үр дагавар дэлхийн өнцөг булан бүрт ажиглагдаж байна. Ялангуяа эрчим хүчний үнэ өсч, хүнсний аюулгүй байдал улам бүр алдагдаж байгааг дурдахгүй байхын аргагүй” гэж цохон тэмдэглэв.
"ОХУ-ын ерөнхийлөгч Владимир Путины өдүүлсэн уг дайны эдийн засаг, хүмүүнлэгийн салбарт учруулж буй сөрөг үр дагаврыг Олон улсын хамтын нийгэмлэг тодорхой харах ёстой" гэж тэрээр үргэлжлүүлжээ.
Тэрээр "Их 20"-ийн уулзалтаар ОХУ-ын нийлүүлдэг газрын тосонд үнийн дээд хязгаарыг тогтоохыг уриалах бөгөөд Хятад, Энэтхэг улсууд ч мөн үүнд нэгдэнэ гэдэгт найдаж байгаагаа илэрхийлсэн байна.
Йеллен "Энэхүү дайн Украин бүр цаашлаад дэлхийн эдийн засагт ямар сөрөг нөлөөллийг үзүүлж буйг олон нийтэд хүргэх үүднээс цаашид ч Оросын түрэмгийллийн талаарх байр сууриа хатуу илэрхийлэх болно" гэжээ.
Эх сурвалж: Newsis
Байлдаад нэг талдаа гардаа одоо
Санаа муут яван хатнаа гэж... Хүний гараар могой бариулах гэж байж өөрсдийнхөө тависан зангандаа уначихаад хохь нь болж дээ.
өөрсдөө эхэлж бодлогогүй хориг тавьж бусад улсын дотоод руу хэтэрхий орсон
Zov harj hutsaarai ta nar gantsaarduulj bga bizde bolij hohino orosiig suiruuleh gej bgaad oorsdoo turuulj suireh bolno