Баасан гарагт Европын Комиссоос ОХУ-ын эсрэг дахин нэг багц хориг тавихыг санал болгожээ. Шинэ багц хориг нь ОХУ-ын алтны импортыг хамарсан байна.
Комиссын ерөнхийлөгч Урсула фон дер Ляйений хэлснээр, “Өнөөдөр бид Европын Холбооноос Кремлийн эсрэг тавьсан хоригийг чангатгаж, хүнд цохилт өгч буй хоригуудаа илүү үр дүнтэйгээр хэрэгжүүлж, 2023 оны нэгдүгээр сарыг хүртэл сунгах саналыг тавьж байна.
Бидний өнөөдөр танилцуулах багц хориг нь ОХУ-ын алтны импортыг хориглож, өөрсдийн дэвшилтэт, хоёр талт хэрэглээтэй технологийн экспортын хяналтыг сайжруулах тухай юм. Энэхүү хоригийг тавьснаар Европын Холбоо болон “Их 7” бүлгийн түншүүдийн хоригийн хүрээн дэх уялдаа холбоо ч сайжрах ач холбогдолтой.
Шинэ багц хоригт ОХУ болон гуравдагч орны хоорондох хөдөө аж ахуйн бараа бүтээгдэхүүний худалдааг хохироох ямар нэг арга хэмжээ багтаагүй болно.
Түүнчлэн энэ удаагийн хориг тавих хүсэлтэд бид нэгэн санал дэвшүүлсэн нь одоогоор мөрдөж буй зургаан багц хоригийг дараагийн зургаан сард хүчинтэй байхаар тооцож, ирэх оны нэгдүгээр сарыг дуустал хэрэгжүүлэхээр сунгах юм” гэжээ.
Тийн Европын Комиссоос дээрх саналыг тавьсан бөгөөд одоо Европын Комиссын зөвлөлөөс хоригийг баталбал хүчин төгөлдөр мөрдөгдөх юм. Харин Европын Комиссын шийдвэр энэ сарын сүүлээр гарах төлөвтэй байгаа ажээ.
Эх сурвалж: ТАСС
Улам л том чулуу өөд нь шидээд байхын. Буцаад толгой дээр нь л бууна шд
Үхэл нь ирсэн хулгана суурийн сүүлээр тоглоно гэж