Ням гарагт Финляндын үндэсний YLE сувгийн мэдээлснээр тус улсад ирэх өвлийн улиралд эрчим хүчний хязгаарлалт хийж болзошгүй нөхцөл үүссэн хэмээжээ.
Тэдний хэлснээр, “Европ тив ОХУ-ын чулуужсан түлшнээс татгалзаж байгаагаас үүдэн тус улсыг орлох эрчим хүчний эх үүсгэвэр олоход асуудал тулгарч байна. Энэ нь юу гэсэн үг вэ гэвэл, ойрын хугацаанд эрчим хүчний салбарт зохицуулалт, хязгаарлалт хийх нь хамгийн оновчтой шийдэл болж магадгүй гэсэн үг. Европ тивийн зүгээс өвлийн улиралд бэлтгэж, эрчим хүчний хэрэглээндээ хязгаарлалт хийхээр завдаж байгаа энэ үед манай улс ч ижил хязгаарлалт хийх нь өндөр магадлалтай” гэсэн юм.
YLE сувгийн мэдээлснээр хэрэв эрчим хүчинд хязгаарлалт тогтоовол тус улсын ард иргэд өдөрт хамгийн ихдээ 2 цаг орчим цахилгаан эрчим хүчний хэрэглээгээ танаж магадгүй нөхцөл үүсэх гэнэ.
Харин Финляндын цахилгаан эрчим хүчний оператор Фингрид компаниас мэдэгдсэнээр зөвхөн онц байдлын үед л эрчим хүчний хязгаарлалт хийх болно гэж мэдэгдсэн юм.
Эх сурвалж: ТАСС