Өнгөрөгч улиралд Шинэ Зеланд улс дахь хэрэглэгчийн үнийн индекс сүүлийн 30 жилийн хугацаан дахь хамгийн өндөр түвшинд хүрчээ.

Тодруулбал тус улсын инфляц 2022 оны хоёрдугаар улиралд 7.3 хувьд хүрсэн нь энэ оны нэгдүгээр улирлын үзүүлэлтээс даруй 0.4 хувиар өссөн байна. Улмаар Шинэ Зеланд улсын хүрээнд өнгөрөгч улиралд хүнсний бүтээгдэхүүний үнэ 1.3 хувиар, тээврийн хэрэгсэл, орон сууцны үнэ тус, тус 2.3 хувиар өсжээ.

Тоон үзүүлэлтийг гарахаас өмнө Австрали, Шинэ Зеландын банк болон тус улсын Нөөцийн банкнаас инфляцыг хамгийн өндөртөө 7 эсвэл 7.1 хувьд хүрнэ хэмээн таамаглаж байсан юм. Харамсалтай нь инфляц шинжээчдийн таамгийг давснаар тус улсын хувьд 1990 оны зургаадугаар сараас хойших хамгийн өндөр үзүүлэлтээр бүртгэгджээ.

Шинэ Зеландын Статистикийн хорооноос мэдээлснээр инфляцын өсөлтөд нөлөөлөн гол хүчин зүйл нь эрчим хүчний үнийн өсөлт болон барилгын өртөг, түрээсийн нэмэгдэлтэй холбоотой гэнэ. Мөн бензин шатахууны үнэ даруй 74 хувиар өсөж, дизель түлшний үнэ 32 хувиар өссөнөөр инфляцын өсөлтөд нөлөөлсөн байна.

Эх сурвалж: The Guardian