АНУ-ын шилдэг 4 агаарын тээвэрлэгчийн нэг Дельта Эйрлайнс компани агаарын хөлөг үйлдвэрлэгч Боинг компаниас сүүлийн 10 гаруй жилийн хугацаан дахь хамгийн том худалдан авалтаа хийж, 737 Макс загварын онгоцноос нийт 100 ширхгийг захиалжээ.
Хоёр талаас байгуулсан гэрээний хүрээнд Дельта Эйрлайнс дахин 30 гаруй агаарын хөлөг худалдан авах боломжтой юм. Урьдчилсан товоор тэд 2025 оноос эхлэн захиалсан онгоцнуудаа хүлээн авах гэнэ.
Харин худалдан авалтын нийт дүнгийн хувьд 13.5 тэрбум ам.доллар хүрч байгаа ч энэ төрлийн томоохон худалдан авалтад хөнгөлөлт олгох нь нийтлэг үзэгдэл билээ. Дельта Эйрлайнсын зүгээс захиалгын нийт дүн хэд болсныг зарлаагүй ч энэ удаагийн худалдан авалт тэдний төсөвлөсөн зардлаас даваагүй гэдгийг онцолсон байна.
Тэдний үзэж байгаагаар 737 Макс загварын онгоц нь одоогоор үйлчилгээнд ашиглаж буй тийрэлтэт хөлгүүдээс даруй 20-30 хувь бага шатахуун зарцуулах гэнэ.
Дельтагийн зүгээс онгоцыг нийт 182 суудалтай буюу 129 стандарт энгийн, 33 тухтай, 22 нэгдүгээр ангиллын суудалтай байхаар тохируулах юм.
Эх сурвалж: CNBC