Стрийминг үйлчилгээгээр дэлхийг тэргүүлж, салбартаа урт хугацааны турш ноёрхож буй Netflix компани сүүлийн 3 сарын хугацаанд 1 сая орчим хэрэглэгчээ алджээ. Гэвч энэхүү үзүүлэлт нь тэдний санаа зовниж байснаас харьцангуй бага байсан гэнэ.
Тэдний зүгээс алдарт “Stranger Things” цувралынхаа хоёрдугаар бүлгийг үзэгчдийн хүртээл болгон цацсанаар хэрэглэгчийн тоо 1 саяас давж буураагүй гэж үзсэн байна.
Netflix компанийн тооцож байгаагаар энэ оны сүүлээр тэдний хэрэглэгчийн тоо эргэн өсөх юм. Харин хэрэглэгчийн тоо буурсан үзүүлэлтийг тэд зах зээлийн өрсөлдөөн нэмэгдэж, дэлхий дахинаа эдийн засгийн хямрал тохиож, хүмүүс бүсээ чангалж буйтай холбон тайлбарласан байна.
2011 онд үйлчилгээнд нэвтэрснээсээ хойш хэрэглэгчийнх нь тоо тасралтгүй өсөж ирсэн Netflix компани энэ оны дөрөвдүгээр сард анх удаа хэрэглэгчийн тоо буурсан тухай мэдэгдэж, олон зуун хүнийг ажлаас нь чөлөөлөн цомхотгол хийсэн юм.
Гэвч мягмар гарагт тэдний танилцуулсан тоо баримтаас үзэхэд энэ удаагийн хэрэглэгчийн тоон бууралт нь тэдний түүхэн дэх хамгийн олон хэрэглэгчээ алдсан тохиолдол болжээ.
Эх сурвалж: BBC