Мягмар гарагт Япон улсын уран гулгалтын тамирчин, Олимпын хошой аварга Ханю Юзүрү зодог тайлж байгаагаа зарлажээ. Зодог тайлах тухайгаа тэрээр Токио хотноо зохион байгуулсан хэвлэлийн бага хурлаар мэдэгдсэн байна.
Өдгөө 27 настай Ханю Юзүрү нь уран гулгалтын спортод маш олон амжилт гаргасан нэгэн бөгөөд Олимпын наадмын уран гулгалтын эрэгтэй төрөлд хоёр удаа түрүүлж, 2014 болон 2017 онд уран гулгалтын эрэгтэй төрөлд дэлхийн аварга болж байсан юм. Мөн тэрээр 2016 онд Монреаль хотноо зохион байгуулагдсан олон улсын статустай тэмцээнд оролцож, дөрвөлсөн эргэлтийг амжилттай гүйцэтгэснээр тус элементийг амжилттай гүйцэтгэсэн дэлхийн анхны эрэгтэй тамирчин болсон байна.
Тийнхүү хэвлэлийн бага хурлын үеэр тэр, “Үр дүнгийн хувьд, би өөрийн гаргаж чадах амжилтыг гаргасан. Би хувьдаа хүмүүсээр үнэлэгдэхийг хүсэхээ больсон” гэж мэдэгджээ.
Эх сурвалж: ТАСС