Лхагва гарагт Туркийн ТРТ телевизийн сувгаас ерөнхийлөгч Ресеп Тайип Эрдоганаас иш татаж, Украин улсаас үр тариа экспортлох коридор гаргах баримт бичгийг талууд энэ долоо хоногтоо багтаан үзэглэж магадгүй гэж мэдээлжээ.
Энэ тухай тэрээр Тегеран хотод хийсэн айлчлалаасаа ирсэн хойно хэвлэлийнхэнд хандаж, мэдэгдсэн байна.
Түүний хэлснээр, “Бидний зүгээс энэ долоо хоногтоо багтаан хэлэлцээрийг батлах ажлыг дуусгах хүсэлтэй байна. Тийнхүү ойрын хугацаанд төлөвлөгөөг хэрэгжүүлж эхэлнэ гэж ч итгэж байна.
Үр тариа экспортлох явцыг Станбул дахь зохицуулах төвөөс удирдан явуулах бөгөөд ОХУ, Украин болон НҮБ-ын төлөөллүүд хянах болно. Бид дэлхийн хүнсний аюулгүй байдлыг хангахад чухал ач холбогдолтой энэхүү хэлэлцээрийг батлах үйл явцыг дуусгахын төлөө хүчин чармайлтаа үргэлжлүүлсээр байна” гэжээ.
Эх сурвалж: ТАСС