Зургаадугаар сард Япон улс дахь хэрэглэгчийн үнийн индекс 2.2 хувьд хүрч, Төв банкнаас тогтоогоод байсан зорилтот түвшнийг гурав дахь сардаа давсан үзүүлэлт болжээ.
Япон улсын Төв банкнаас дотоодын инфляцаа 2 хувьд барина гэж зориод байсан ч тийнхүү инфляц өнгөрөгч тав, зургаадугаар сард 2.1 хувьд хүрсэн байна. Харин инфляцын өсөлтийг тэд дэлхий дахинаа түүхий эд материалын үнэ өсөж, импортын бараа бүтээгдэхүүний үнэд нөлөөлж байгаатай холбон тайлбарласан юм.
Шинжээчдийн таамаглаж байгаагаар, инфляцын түвшин энэ оны үлдсэн саруудад ч Төв банкны зорилтот түвшнийг давах гэнэ.
Гэсэн хэдий ч Япон улсын инфляцыг бусад улс орон буюу АНУ, Европын орнуудын инфляцтай харьцуулахад харьцангуй бага байгаа юм. Үйл явдлын хүрээнд пүрэв гарагт Японы Төв банкнаас 2023 оны гуравдугаар сар хүртэл 2.3 хувьтай байхаар тооцож, өмнөх тооцоогоо шинэчилжээ.
Эх сурвалж: Al Jazeera