Цар тахлын улмаас 2020 оны гуравдугаар сараас эхлэн тодорхойгүй хугацаагаар зогсоод байсан Өмнөд Солонгосын үндэсний агаарын тээврийн Инчон-Бээжин чиглэлийн нислэг орон нутгийн цагаар 23-ны өдрөөс эргэн сэргэжээ.
Asiana Airlines компанийн мэдээлснээр, 23-ны өглөө 141 зорчигчтой OZ331 онгоц Инчоны олон улсын нисэх буудлаас хөөрч Бээжингийн нисэх онгоцны буудалд газардсан байна.
Цар тахал дэгдэхээс өмнө Инчон-Бээжин чиглэлийн онгоцоор жилд 1.1 сая орчим хүн зорчдог байсан бөгөөд тус хоёр орны агаарын гол зам байжээ.
БНХАУ-ын Засгийн газрын зүгээс цар тахлын дэгдэлтийг бууруулах зорилгоор олон улсын нислэгийг хязгаарлах арга хэмжээ авсантай холбогдуулан Инчон-Бээжин чиглэлийн нислэгийг 2020 оны гуравдугаар сараас эхлэн түр зогсоож байсан билээ.
Харин БНХАУ саяхнаас хилийн чанадаас орж ирж буй зорчигчдын хорио цээрийн хугацааг 2-3 долоо хоног байсныг 10 хоног болгон богиносгож, тус улс руу хийх нислэгийн тоог аажмаар нэмэгдүүлж байгаагийн ачаар БНСУ-ын Asiana Airlines компани 23-ны өдрөөс эхлэн долоо хоног бүрийн бямба гарагт Инчон-Бээжин чиглэлд нислэг үйлдэхээр болж буй нь энэ аж.
Эх сурвалж: YTN