Хөрөнгө оруулалтын менежментийн “Ашид Ассет Менежмент ҮЦК” ХХК-ийн Удирдах зөвлөлийн шийдвэрийн дагуу тус компанийн Хөрөнгө оруулалт эрхэлсэн захирал (CIO)-ын албан тушаалд Батмөнхийн Цэлмэгийг 7-р сарын 25-ны өдрөөс эхлэн томиллоо.
Б.Цэлмэг нь банк санхүү, хөрөнгө оруулалтын чиглэлээр Ирланд улс дахь JP Morgan Chase & Co, SMBC Aviation Сapital зэрэг олон улсын томоохон байгууллагуудад 10 гаруй жил хөрөнгө оруулалт, санхүү, татвар болон төслийн удирдлагын чиглэлээр ажиллаад 2018 оноос ХасБанкны Санхүү удирдлагын газрын захирлаар ажилласан туршлагатай юм. Тэрбээр Ирланд улсын Irish American University их сургуулиас Бизнесийн удирдлагын бакалавр зэрэг эзэмшсэн бөгөөд түүнчлэн ACCA буюу Олон улсын мэргэшсэн нягтлан бодогч цолтой.
Б.Цэлмэг, “Хөрөнгө оруулалтын үйлчилгээг хялбар, хямд, хүртээмжтэй бас хариуцлагатай болгон хөгжүүлж хүн бүрийг хөрөнгө оруулагч болгох “Ашид”-ын зорилгод нэгдсэндээ баяртай байна. Бидний хөгжүүлэхийг зорьж буй хөрөнгө оруулалтын сангийн тогтолцоо нь Монгол улсын санхүүгийн зах зээлийн ирээдүйд чухал үүрэг гүйцэтгэнэ” хэмээн хэллээ.
“Ашид Ассет Менежмент ҮЦК” нь хөрөнгө оруулалтын менежмент, санхүүгийн зөвлөх үйлчилгээний чиглэлээр үйл ажиллагаа явуулдаг бөгөөд “Ашид Арвижих” хамтын сан байгуулах зөвшөөрлийг Санхүүгийн Зохицуулах Хорооноос аваад буй. Мөн тус компани “Ашид Өсөх Хөрөнгө” үл хөдлөх хөрөнгөд суурилсан хувийн хөрөнгө оруулалтын санг үүсгэн байгуулж байгаа юм.
Ашид - Ашигтай, Хүртээмжтэй