Өдгөө 92 настай сансрын нисгэгч асан Базз Олдрин өөрийн өмчийн 69 эд өлгийн зүйлийг дуудлага худалдаанд оруулжээ. Эд өлгийн зүйлс дунд түүний сар руу аялахдаа өмсөж байсан хүрэм багтсан юм.
АНУ-ын далбаа болон НАСА-гийн логотой тус хүрмийг ноён Олдрин Аполло 11 хөлгийн комманд модуль Колумбиаг жолоодож байхдаа өмссөн бөгөөд Нью Йорк хотод зохион байгуулагдсан дуудлага худалдаагаар хүрэм 2.8 сая ам.долларын үнэ хүрчээ.
Тийнхүү тус хүрэм нь Америкийн сансрын түүхэн дурсгалт эд зүйлсийн дундаас дуудлага худалдаагаар хамгийн өндөр үнэ хүрсэн эд болсон байна.
Базз Олдрины хувьд 1969 онд сар руу аялсан бөгөөд аяллыг нийт 3 хүний бүрэлдэхүүнтэй баг гүйцэтгэснээс өдгөө ноён Олдрин л амьд байгаа юм.
Дуудлага худалдааны дүнд түүний зарсан 69 эд өлөг нийт 8.2 сая ам.долларын үнэд хүрчээ.
Эх сурвалж: BBC