Лхагва гарагт АНУ-ын Холбооны нөөцийн сан бодлогын хүүгээ дахин 75 суурь нэгжээр өсгөх шийдвэр гаргажээ. Ингэснээр тэд бодлогын хүүгээ 2.25-2.5 хувьд хүргэх болж байгаа юм.

Холбооны нөөцийн сангийн хувьд инфляцын өсөлттэй тэмцэж, эдийн засгийн өсөлтийг дэмжих үүднээс өнгөрөгч гуравдугаар сараас хойш бодлогын хүүгээ өсгөх арга хэмжээ авч байгаа хэдий ч тус улсад эдийн засгийн хямрал нүүрлэх эрсдэлтэй нөхцөлд байгаа ажээ. Үнэн хэрэгтээ улс орнуудын жишигээр өдгөө АНУ-д эдийнн засгийн хямрал аль хэдийн нүүрлээд байгаа бол АНУ-ын үнэлгээгээр тэд эдийн засгийн хямралд хараахан ороогүй байгаа юм.

АНУ-ын инфляцын хувьд өнгөрөгч сард 9.1 хувьд хүрсэн нь тус улсын сүүлийн 41 жилийн түүхэн дэх хамгийн муу үзүүлэлт болжээ. Харин Холбооны нөөцийн банкны зүгээс дотоод дахь инфляцын өсөлтийг шатахуун, хүнсний бүтээгдэхүүн, орон сууцны үнийн өсөлттэй холбон тайлбарлаж байгаа билээ.

Мэргэжилтнүүдийн таамаглаж байгаагаар энэ долоо хоногт холбогдох албаныхны танилцуулах тоон баримтаас үзвэл тус улсын эдийн засаг хоёр дахь улиралдаа буурсан үзүүлэлттэй байх гэнэ. Шинжээчдийн үзэж байгаагаар энэ байдлаараа 2022 оны сүүл гэхэд АНУ-ын бодлогын хүү 3-4 хувьд хүрэх ажээ.

Эх сурвалж: BBC