Шри Ланка улсын засгийн газар Олон улсын валютын сангаас (ОУВС) тусламж авах хэлэлцээрийг албан ёсоор сэргээжээ.
Орон нутгийн хэвлэл мэдээллийн Daily Mirror агентлаг болон гадаадын хэвлэл мэдээллийн хэрэгслүүдийн мэдээлснээр, Шри Ланка улсын Сангийн яам орон нутгийн цагаар 29-ний өдөр ОУВС-тай санхүүгийн тусламж үзүүлэх техникийн хэлэлцээг дахин эхлүүлсэн хэмээн мэдэгдсэн байна.
Тус улсын засгийн газрын зүгээс "Дотоодын улс төрийн тогтворгүй байдал, хуучин засгийн газар ОУВС-тай зөвшилцөж чадаагүй нь хэлэлцээрт саад учруулж байна. ОУВС-тай хийсэн эхний хэлэлцээрүүд маш амжилттай болж, Шри Ланка зээл олгогчидтой өр барагдуулах хэлэлцээрт хүрэхийн тулд хөндлөнгийн зөвлөх багтай хамтран ажиллаж байна” хэмээн цохон тэмдэглэжээ.
Шри Ланка 12 тэрбум ам.долларын гадаад өрөө төлж чадаагүйн улмаас одоогоор дампуурлын байдалд ороод байгаа билээ.
Дээрх өрийг оруулаад тус улсын нийт гадаад өр 51 тэрбум ам.доллароор хэмжигдэж байгаа аж.
Гэсэн хэдий ч өмнөх өдөр нь Шри Ланка улсын Төв банкны зүгээс олон нийтэд мэдээлснээр өнгөрсөн зургадугаар сарын эцсийн байдлаар тус улсын гадаад валютын нөөц ердөө 1.85 тэрбум ам.доллар байсан гэв.
Эх сурвалж: YTN