Христийн шашинтай орнууд жил бүрийн аравдугаар сарын 31-ний өдөр Сүнсний баярыг тэмдэглэн өнгөрүүлдэг билээ. Эл өдөр хүмүүс янз бүрийн дүрд хувилан, хүүхдүүд айл айлаас чихэр цуглуулж баярладаг.
Тэгвэл Америкийн шоколадны хамгийн том үйлдвэрүүдийн нэг Hershey компани бараа бүтээгдэхүүний хангамж хүрэлцээгүй байгаа улмаас ирэх аравдугаар сард тус улсад чихэр, шоколад зэрэг амттан хомсдохыг анхааруулжээ.
Пүрэв гарагт тус компанийн гүйцэтгэх захирал Мишель Бакын хэлснээр тэд Сүнсний баярын үеэр хэрэглэгчдийн хэрэгцээг хангаж чадахгүй гэнэ. Улмаар амттан үйлдвэрлэлийн салбар нь цар тахал, Украины дайны уршгийг мэдэрч буй сүүлийн салбар болж байгаа юм.
Hershey компанийн хувьд тоног төхөөрөмж, хангамжаа ХБНГУ-аас татан авдаг тул ОХУ Европ тивд нийлүүлэх эрчим хүчний хэмжээгээ бууруулсан нь тэдний үйл ажиллагаанд үлэмж нөлөөлж буйг хэлсэн байна.
Сүнсний баярын үеэр амттан үйлдвэрлэдэг компаниудын ашиг эрс өсдөг бөгөөд Hershey компанийн жилийг борлуулалтын 10 орчим хувь нь жилийн энэ үед хийгддэг юм.
Эх сурвалж: BBC