Бямба гараг Куба улсын төрийн хэвлэл мэдээллийн албанаас мэдээлснээр тус улсын засгийн газар эрчим хүчний хямралтай тэмцэх үүднээс наймдугаар сард нийслэл хот Хаванад эрчим хүчний хязгаарлалт хийх болж, алдарт Хавана багт наадмыг цуцлах болжээ.
Куба улсын хувьд сүүлийн хэдэн сарын турш өдөрт 2-4 цагийн турш эрчим хүчний хязгаарлалт хийж байсан ч хязгаарлалт улсын нийслэл Хаванаг тойрч байсан юм. Гэвч өдгөө эрчим хүчний хямрал улам гүнзгийрч байгаагаас үүдэн тус улсын нийслэлд ч цахилгааны хязгаарлалт хийх болсон бөгөөд Хавана хотын захиргаан дахь 6 бүс гурван өдөр тутамд нэг удаа эрчим хүчээ унтраах болсон байна.
Үйл явдлын хүрээнд Хаван Коммунист намын тэргүүн Луис Антонио Торрез хотынхоо ард иргэдэд хандаж, “Энэ бол бидний эв нэгдлээ харуулж, өдийг хүртэл эрчим хүчээ хэмнэж ирсэн бусдадаа нэмэр болох учиртай мөч” гэжээ.
Эх сурвалж: The Reuters