Мягмар гарагт БНСУ-ын Статистикийн хорооноос танилцуулснаар өнгөрөгч сард тус улсын инфляц сүүлийн 24 жилийн дээд түвшинд хүрчээ. Тодруулбал тус улс дахь хэрэглэгчийн үнийн индекс өнгөрөгч сард 2021 оны мөн үеэс даруй 6.3 хувиар өссөн үзүүлэлттэй гарсан байна.
Энэ нь Ройтерс агентлагаас гаргаасан урьдчилсан тооцоотой яг таарчээ.
Инфляц ийн өссөнөөр эдийн засагчдын зүгээс бодлогын хүүг дахин өсгөнө гэсэн таамаглал бүр л бодитой болж байгаа юм.
БНСУ-ын Төв банкны хувьд өнгөрөгч долоодугаар сард бодлогын хүүгээ 50 суурь нэгжээр өсгөсөн бөгөөд энэ нь ердийнхөөс харьцангуй их өсөлт болсон билээ. Улмаар Солонгосын Төв банкнаас цаашид бодлогын хүүг өсгөх болбоос 25 суурь нэгжээр л өсгөнө гэж мэдэгдсэн ч инфляц ийн өссөөр байвал дахин 50, 75 нэгжээр өсгөж магадгүй ажээ.
Эх сурвалж: Nikkei Asia