Дэлхийн эрчим хүчний салбарт тэргүүлэгчдийн нэг Британийн BP компани мягмар гарагт өнгөрөгч улирлын ашгийн тайлангаа танилцуулжээ.

Тайлангаас үзэхэд өнгөрөгч гурван сарын хугацаанд дэлхийн зах зээлд эрчим хүчний бүтээгдэхүүний үнэ өссөнөөр тус компанийн ашиг ч үлэмж нэмэгдсэн байна.

Тодруулбал, энэ оны дөрвөөс зургаадугаар сарын хугацаанд BP компани нийт 8.45 тэрбум ам.долларын ашиг олсон юм. Энэ нь тус компанийн 2021 оны хоёрдугаар улирлын ашигтай харьцуулахад даруй 3 дахин өссөн үзүүлэлт ажээ.

Тийнхүү энэ удаагийн ашиг нь BP компанийн түүхэн дэх хоёр дахь томоохон ашгаар бүртгэгдэх болсон бөгөөд улмаар тус компанийн 2022 оны эхний улирлын ашиг 14.6 тэрбум ам.долларт хүрсэн байна.

Эх сурвалж: BBC