Япон улсад цаг агаарын хэт халалт явагдаж байгаагаас үүдэн хувцас бүтээгч нар малын эмч нартай хамтран тэжээвэр амьтдад зориулсан “өмсдөг сэнс”-ийг бүтээжээ.
“Өмсдөг сэнс” нь 80 грамм жинтэй, зайгаар ажилладаг сэнсийг тэжээвэр амьтны торлог, нимгэн хувцсанд тогтоосон байх бөгөөд амьтныг сэрүүцүүлэх зорилготой юм.
Энэхүү хувцсыг бүтээсэн Рэй Узава гэх эмэгтэйн хувьд жирэмсний хувцас зохион бүтээдэг нэгэн ажээ. Тэрээр нэг өдөр өөрийн тэжээвэр нохойг халуунд туйлдаж явахыг үзээд “өмсдөг сэнс”-ийг бүтээхээр шулуудсан байна.
Рэй Узава “өмсдөг сэнс”-ийг өнгөрөгч долоодугаар сард худалдаанд гаргасан бөгөөд худалдаанд гарснаасаа хойш нийт 100 орчим захиалга авсан юм.
Таван өөр хэмжээтэй худалдаалагдах “өмсдөг сэнс” нь 9900 иен буюу 75 ам.долларын үнэтэй.
Эх сурвалж: Al Jazeera