АНУ-ын Төлөөлөгчдийн танхимын дарга Нэнси Пелоси мягмар гарагийн орой Тайваньд хүрэлцэн ирсэн билээ.

Тэгвэл түүний Тайвань дахь айлчлалыг эхнээсээ л эсэргүүцэж байсан БНХАУ-ын зүгээс айлчлалыг “туйлын аюултай” гэж тодорхойлсон байна. Улмаар Хятадын талаас түүнийг галаар тоглож байна хэмээж, “Галаар тоглосон хүмүүс тарчилж үхэх болно” гэсэн юм.

Харин АНУ-ын Үндэсний аюулгүй байдлын албаны хэвлэлийн төлөөлөгч Жон Көрбигийн хэлж байгаагаар Нэнси Пелоси Тайваньд айлчиллаа гээд энэ нь хоёр улсыг зөрчилдөөнд хүргэх шалтгаан үгүй гэнэ.

Гэвч түүний онгоц Тайваньд газардсан даруй Хятадын төрийн хэвлэлүүд тус улсын байлдааны тийрэлтэт хөлгүүд Тайванийн тэнгэр дээгүүр зорчиж байна гэж мэдээлсэн байна.

Тайванийн талаас тус мэдээг гарахад няцаасан ч төдөлгүй тус улсын агаарын довтолгооноос хамгаалах бүсэд Хятадын 20 гаруй онгоц нэвтэрсэн гэжээ.

Тийнхүү хатагтай Пелосигийн айлчлал эхэлснээс ердөө нэг цагийн дараа Хятадын Ардын Чөлөөлөх арми энэ долоо хоногийн сүүлээр Тайванийг тойрсон агаарын бүс болон тэнгист хэд хэдэн цэргийн сургуулилт хийхээ мэдэгдсэн юм

Эх сурвалж: BBC.