Мягмар гарагт АНУ-ын Төрийн нарийн бичгийн дарга Энтони Блинкений мэдэгдсэнээр тус улс ОХУ-ын эсрэг тавьсан хоригоо өргөжүүлж, Оросын батлан хамгаалах, технологийн 24 компанийн эсрэг хориг тавих болсон байна.
Түүний хэлснээр, “АНУ-ын ерөнхийлөгчийн 14024 дүгээр тушаалын дагуу бид Оросын батлан хамгаалах, технологийн 24 компанийн эсрэг хориг тавьж, Оросын дайны машины өртгийг нэмэгдүүлэх боллоо. Ингэснээр АНУ-ын хориг Оросын батлан хамгаалахын судалгаа, хөгжүүлэлтийн хамгийн чухал байгууллагууд болоод хагас дамжуулагч үйлдвэрлэгчид, дэвшилтэт тооцоолуурын компаниудад цохилт өгнө” гэсэн юм.
Мөн АНУ-ын Сангийн яамнаас Оросын Сколково Сан болоод Сколково технологийн институтийн эсрэг ч хориг тавьсан байна.
Хориг тавьснаар АНУ-ын ард иргэд, бизнесийн байгууллагууд тэдгээр байгууллагатай үйл ажиллагаа явуулж болохгүй юм.
Эх сурвалж: ТАСС