Ням гарагт АНУ-ын Төлөөлөгчдийн танхимын дарга Нэнси Пелоси Ази тив дэх айлчлалаа эхлүүлж, мягмар гарагийн орой Тайванийн арлуудад газардсан билээ.

Айлчлалын хүрээнд Хятадын өндөр албан тушаалтнуудын зүгээс ихээхэн сануулга өгч, “ноцтой үр дагавар”-т хүргэх болно гэж анхааруулсаар байхад АНУ-ын талаас тэдний анхааруулгыг үл тоомсорлон Тайваньд айлчилсан юм.

Улмаар лхагва гарагт БНХАУ-ын Худалдааны яамнаас нэгэн мэдэгдэл гаргасан нь тэд өнөөдрөөс эхлэн Тайванийн бүсэд элс экспортлохоо зогсооно гэжээ.

Тэдний хэлж байгаагаар энэхүү шийдвэр нь Хятадын эх газарт холбогдох хууль, журамд бүрэн нийцэж байгаа гэсэн байна.

Гэсэн хэдий ч тэдний зүгээс ийм арга хэмжээ авах болсон бодит шалтгаанаа тайлбарлаагүй юм.

Эх сурвалж: Xinhua