Лхагва гарагт БНХАУ-ын Гаалийн ерөнхий газраас мэдэгдсэнээр, эх газрын Хятад Тайваниас цитрусийн төрлийн жимс, хоёр төрлийн загасыг оруулахыг хоригложээ. Тэдний хэлж байгаагаар хоригийг тэд эх газрын Хятадын хууль, журамд нийцүүлэн тавьсан гэсэн юм.
Улмаар гаалийн энэхүү хориг нь танилцуулсан өдрөөсөө буюу лхагва гарагаас эхлэн мөрдөгдөх болсон байна.
Харин хориг тавьсан шалтгааныг тодруулбаас өнгөрөгч зургаадугаар сард Тайваниас оруулж ирсэн хоёр төрлийн загаснаас коронавирус илэрсэн тул тэд вирусийн тархалтаас урьдчилан сэргийлэх зорилгоор хориг тавьсан гэжээ.
Эх газрын Хятадын хувьд Тайваниас орж ирэх бараа бүтээгдэхүүнд хориг тавиад зогсохгүй Тайвань руу гарах бараа бүтээгдэхүүнд ч хориг тавих болсон юм. Тодруулбал лхагва гарагт тэд Тайвань руу байгалийн элс гаргахаа зогсоохоор шийдвэрлэсэн билээ.
Эх сурвалж: Xinhua