Пүрэв гарагт Туркийн Батлан хамгаалахын сайд Хулуси Акарын мэдэгдсэнээр наймдугаар сарын 5-ны өдөр үр тариа тээвэрлэсэн 3 хөлөг онгоц Украины боомтоос хөдөлнө гэжээ.
Гэвч баасан гарагт Аль Жазийра сувгаас мэдээлснээр Хар тэнгист гардаг Украины 2 боомтоос үр тариа тээвэрлэсэн 2 хөлөг замд гарсан байна.
Тодруулбал, Рожен, Навистар гэх хоёр хөлөг онгоц баасан гарагийн өглөө Украины Черноморск болон Одесса боомтоос хөдөлжээ.
Хөлөг онгоцнууд Разони хөлөг онгоцны зорчсон замаар буюу хүмүүнлэгийн коридороор явах юм.
Улмаар тэд боомтоос гарснаас хойш 2 хоногийн дотор Станбул хотод шалгалтад орж цааш хөдлөх ажээ.
Эх сурвалж: ТАСС