Баасан гарагт ОХУ-ын Мир төлбөрийн системийн хэвлэлийн албанаас мэдээлснээр, Беларусь улсад Мир Пэй мобайл төлбөрийн систем хэрэглээнд нэвтэрчээ.
Тэдний мэдэгдсэнээр, “7.0 болон түүнээс дээш эндройд үйлдлийн систем бүхий ухаалаг утас хэрэглэдэг Мир карт хэрэглэгч нар одоогоос ОХУ болон Беларусийн нутаг дэвсгэрт Мир Пэй мобайл төлбөрийн үйлчилгээг ашиглан төлбөр тооцоогоо хийх боломжтой боллоо.
Беларусийн Белкарт төлбөрийн системд хамрагддаг ПОС терминалууд энэхүү үйлчилгээг дэмжин ажиллаж байгаа. Мир карт болон Мир Пэй үйлчилгээний цар хүрээ, дэд бүтэц цаашид Беларусь улсын нутаг дэвсгэрт улам өргөжин тэлэх болно.
ОХУ-ын 100 гаруй банкны Мир картыг та өөрийн Мир Пэй хэтэвчтэй холбох боломжтой. Аппликэйшнийг та Google Play, RuStore, App gallery зэргээс үнэгүй татан аваарай” гэсэн юм.
Эх сурвалж: ТАСС