Даваа гарагт Автостат аналитик агентлагаас мэдээлснээр энэ оны эхний хагаст ОХУ-д шинэ автомашины жинлэсэн дундаж үнэ 23 хувиар өсжээ.
Улмаар тус улсад шинэ машины дундаж үнэ 2.32 сая рубль буюу 37800 ам.долларт хүрсэн байна.
Тайлангаас үзвэл ОХУ-ын дотоодын автомашины дундаж үнэ 31 хувиар өсөж, 1 сая рубль буюу 16300 ам.долларт хүрсэн байна. Харин гадаад брэндүүдийн автомашины дундаж үнэ 20 хувиар өсөж, 2.69 сая рубль буюу 43900 ам.долларт хүрчээ.
Автомашины жинлэсэн дундаж үнийг тооцохдоо загвар тус бүрийн борлуулалтын үнэ, санал болгох үнийг харьцуулан авч үздэг байна.
Эх сурвалж: ТАСС