ХБНГУ-ын хамгийн том чандарлах газар Райн-Таунус байгалийн хийн хэрэглээгээ хэмнэх үүднээс тасралтгүй ажиллах болжээ. Энэ талаар Германы Билд өдөр тутмын сонин анх мэдээлсэн байна.

Чандарлах байгууламж тийн тасралтгүй ажилласнаар зуухыг халаахад зарцуулагддаг байгалийн хийг хэмнэх юм.

Чандарлах газрын дарга Карл-Хайнз Кюнсгений хэлснээр, “Манай байгууллагын ажилчид энэхүү мэдээг маш сайн ойлгож хүлээн авсан бөгөөд ажлын шинэ цагийн хуваариа хүлээн зөвшөөрсөн. Учир нь бидний хувьд зуухаа байгалийн хий ашиглахгүйгээр ажиллуулах гэдэг маш чухал байсан юм” гэжээ.

Хэвийн үед тэд зуухыг шаардлагатай нөхцөлд л ажиллуулдаг бөгөөд зууханд байдаг чулууг 800 Цельсийн хэмд хүргэхийн тулд байгалийн хийг ашигладаг байсан юм. Харин Райн-Таунусын хувьд энэ сарын эхнээс зуухаа тасралтгүй ажиллуулснаар байгалийн хий ашиглах шаардлагагүй болж улмаар ийм шийдвэрт хүрсэн байна.

Эх сурвалж: ТАСС