Оросын газрын тосны Транснефть компаниас мягмар гарагт мэдээлснээр, Украины газрын тосны Укртранснафта компани энэ сарын 4-ний өдрөөс эхлэн Оросын газрын тосыг Украины нутаг дэвсгэрээр транзит хийхээ зогсоожээ.

Дружба газрын тосны хоолойн хувьд ОХУ-аас Унгар, Чех, Словак улсууд руу газрын тос нийлүүлэх зориулалттай бөгөөд Укртранснафта Дружба хоолойн транзитыг хаасан юм. Харин Беларусь улсаар дамжин Польш, Герман улсад нийлүүлэгддэг газрын тосны транзит хэвийн үргэлжилж байгаа гэжээ.

Укртранснафтагаас мэдэгдсэнээр газрын тосны транзитыг зогсоох болсон шалтгаан нь Транснефть компани өлбөрөө төлж барагдуулаагүй гэсэн юм. Харин төлбөрийг яагаад төлөхгүй байгааг тодруулбаас Европын Холбооноос тавьсан хоригоос үүдэн Транснефтийн зүгээс гүйлгээ хийж чадахгүй байгаа ажээ.

Улмаар өнгөрөгч сарын 22-ны өдөр шилжүүлсэн төлбөрийг гүйлгээ хийсэн данс руу буцаасан байна.

Эх сурвалж: ТАСС