ХБНГУ-ын Засгийн газрын хэвлэлийн төлөөлөгч Штеффен Хебештрайтын лхагва гарагт мэдэгдсэнээр, ОХУ-д Шенгений виз олгохыг хориглох саналыг Европын Холбоогоор хэлэлцүүлэхээр өргөн барьсан тул Берлиний зүгээс асуудлыг анхааралдаа авсан гэжээ.
Түүний хэлснээр, “Дээрх саналыг Европын Холбоон дахь хэд хэдэн орон дэвшүүлсэн учраас хэлэлцэх асуудлуудын жагсаалтад оруулсан. Тиймээс одоо ХБНГУ-ын Засгийн газар энэхүү асуудлыг дотооддоо зөвлөлдөж, Европын Холбоо ч дотроо зөвлөлдөх ёстой.
Одоогийн байдлаар бид зөвлөлдөж дуусаагүй байгаа учир би та бүхэнд үр дүнг тайлагнаж чадахгүй нь. Би та бүхнээс тэвчээртэй хүлээхийг хүсье. Герман улсын засгийн газрын хувьд дээрх асуудлыг Европын Холбооны түвшинд анхааралдаа авсан” гэсэн юм.
ХБНГУ-ын Гадаад хэргийн яамны хэвлэлийн төлөөлөгч Андреа Сассегийн хэлснээр дээрх асуудлыг энэ сард Прага хотод зохион байгуулагдах Европын Холбооны ээлжит хурлын үеэр хэлэлцэж магадгүй гэнэ.
Гэвч төлөөлөгчдийн зүгээс асуудлын хүрээнд ХБНГУ ямар байр суурьтай байгааг нарийвчлан мэдэгдээгүй байна.
Эх сурвалж: ТАСС
Европийн холбоо хошин шогийн жүжэгчин Еврей амьд хүүр зеленскийгээр удирдуулаад энэ өвөл хүүр болохонодоо
Harin tegeh l geed bnda