Биткоины ханш эргэн сэргэж, сүүлийн хоёр сарын хугацаанд анх удаа 25,000 ам.долларт хүрчээ
8 сарын 16. 4:490

Энэ он гарсаар тасралтгүй суларч байсан виртуал валютын тэргүүлэгч Биткоины ханш сүүлийн 2 сарын хугацаанд анх удаа 25 мянган ам.долларт хүрчээ.

Орон нутгийн цагаар 15-ны өдөр виртуал валютаар дагнан мэдээлэл хүргэдэг CoinDesk сайтын мэдээлснээр, өмнөх өдрийн үдээс хойш Биткоин нэг хэсэг 25,000 ам.долларын босгыг давсан болохыг онцлон хүргэв.

Энэ нь өнгөрөгч зургадугаар сарын дунд үеэс хойш хоёр сарын хугацаанд анх удаа Биткоины ханш 25,000 ам.долларын босгыг давсан тохиолдол болж байна.

Биткоины ханш эргэн сэргэж буй нь инфляци бага зэрэг ч болов буурах боломжтой гэсэн эдийн засгийн төлвийг харуулан хөрөнгө оруулагчдын сэтгэл санаанд сайнаар нөлөөлж байна хэмээн шинжээчид дүгнэжээ.

Виртуал валютын ханш нь голчлон технологийн хувьцаануудын Nasdaq индексээс хамаардгийг харж болох нэгэн жишээ бол өнгөрсөн сард тус индекс 12 хувиар өссөн явдал юм.

Эх сурвалж: YTN

Энэ мэдээнд өгөх таны сэтгэгдэл?
0
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ