Дэлхий дахинд төв банкууд бодлогыг хүүгээ өсгөж байхад Хятад эсрэгээрээ энэ онд хоёр дахь удаагаа бууруулж байна. Энэ нь зээлийн эрэлтийг нэмэгдүүлэх, цар тахалд нэрвэгдсэн дотоод эдийн засгаа дэмжих зорилготой юм.
Хятадын үл хөдлөх хөрөнгийн зах зээл ихээхэн хямарч, ковидын нөлөөгөөр эдийн засаг нь эрс удааширсан тухай долоодугаар сарын тайлан мэдээлэлд тусгасан байна. Тиймээс тус улсын Төв банк өчигдөр үндсэн хүүгээ 2.1-ээс 2 хувь болгон бууруулах гэнэтийн шийдвэр гаргалаа. Мөн нэг жилийн хугацаатай зээлийн хүүгээ 10 нэгжээр бууруулан 2.85 хувиас 2.75 хувьд хүргэн багасгаад байна. Энэхүү нэг жилийн хугацаатай хүү нь Хятадын арилжааны банкуудын зээлийн хүүгийн хэмжээг тогтоох суурь үзүүлэлт болдог юм.
Төв банк уг шийдвэрээ “банкны систем дэх хөрвөх чадварыг хангалттай сайн түвшинд барих зорилготой” гэж тайлбарлалаа. Энэхүү арга хэмжээ нь дотоодын эдийн засгийг дэмжих сайн нөлөөтэй боловч Хятадын өрийн хэмжээ болоод инфляцыг өсгөх магадлал өндөр юм.
Эх сурвалж: CNN