Хойд Солонгосын хакерууд энэ онд төвлөрсөн бус санхүүгийн DeFi платформоос нэг тэрбум орчим ам.долларын криптовалют хулгайлсан гэсэн тооцоо гарчээ.
Блокчейн технологийн шинжилгээний Chainalysis компани орон нутгийн цагаар 16-ны өдөр мэдэгдэхдээ, энэ он гарсаар эхний 7 сарын байдлаар хакердах замаар хулгайлсан криптовалютын хохирлын нийт хэмжээ 1.9 тэрбум ам.долларт хүрсэн болохыг онцлон тэмдэглэсэн байна.
Chainalysis-ийн тооцоолсон энэхүү судалгаагаар энэ жил хакердуулан хулгайд өртсөн криптовалютын ихэнх хэсгийг DeFi платформоос хулгайлсан байсан бөгөөд зөвхөн Умард Солонгосын хакерын бүлэглэл л дангаараа тус платформоор дамжуулан 1 тэрбум ам.долларын үнэ бүхий виртуал валютыг хулгайлсан байжээ.
DeFi нь бирж гэх мэт дундын зуучлагчийн оролцоогүйгээр компьютерийн кодоор удирддаг "ухаалаг гэрээ"-г хоёр талаас байгуулан Блокчейн технологийг тусламжтайгаар санхүүгийн төрөл бүрийн гүйлгээ хийдэг платформ юм.
Гэвч тус платформын сул тал нь хакерт өртөх эрсдэл тун өндөр хувьтай байдаг хэмээн салбарын шинжээчид дүгнэсэн байна.
Эх сурвалж: YTN