Apple орлогоо нэмэхийн тулд нэрийн аппликейшнүүд дээрээ илүү олон зар сурталчилгаа харуулдаг болох гэж буйг Bloomberg мэдээллээ.
Технологийн салбарт тэргүүлдэг бусад компанитай харьцуулахад Apple-ийн зар сурталчилгаанаас ордог орлого бага юм. Тухайлбал, Google-ийн нийт орлогын 90 орчим хувь, Meta-ийн 98 хувийг реклам бүрдүүлдэг бол Apple-ийн дөнгөж нэг хувь нь сурталчилгааны орлого байна.
Одоогоор Apple Store, News, Stocks аппликейшнүүд сурталчилгаа дамжуулдаг бөгөөд удахгүй Podcasts, Books, Maps дээр нэвтрэх гэж байна. Цаашлаад хэрэв Apple TV, Apple Pay зэрэг бусад бүх төхөөрөмж, апп дээр нь реклам гардаг болбол Apple-ийн орлого хэрхэн эрчимтэй өсөхийг төсөөлж болохоор байна. Тус компани одоо нэг жилд 4 тэрбум ам.долларын сурталчилгааны орлого олдог бөгөөд эхний шатанд хоёр оронд хүргэж өсгөхөөр төлөвлөжээ.
Уг төлөвлөгөө өнгөрсөн жилээс хэрэгжиж эхэлсэн гэж хэлж болохоор байна. Учир нь, 2021 оноос Apple-ийн төхөөрөмжүүд дээр ATT буюу хэрэглэгчээс өөрийг нь “тандах” зөвшөөрөл авдаг жижигхэн цонх гарч ирдэг болсон. Энэхүү зөвшөөрөл бол хэрэглэгчийн мэдээллийг цуглуулдаг, гар утасны сурталчилгааны зах зээлд тэлэхэд хэрэгтэй технологийн чухал алхам юм.
Эх сурвалж: Bloomberg, Hustle
цөм хийх нь дээ мөнгийг