Украин Оросын талд эзлэгдсэн Запорижжиа атомын цахилгаан станцын ойролцоо цөмийн аюулын үеийн бэлтгэл сургуулилт зохион байгууллаа. Сургуулилтын үеэр украинчууд хамгаалалтын хувцас өмсөн, өвчтөний дүрд тоглож буй хүмүүст цацрагийн шинжилгээ хийж, мөн өөрсдийгөө давхар шалгаж байв. "Ойрын хугацаанд дахин сургуулилт хийнэ" гэж Украин албан ёсоор мэдэгдлээ.
Тус станц гуравдугаар сард оросуудын мэдэлд шилжсэн боловч өдгөө украин мэргэжилтнүүд удирдан ажиллуулсан хэвээр байгаа юм. Тэрчлэн Орос, Украины талууд бие биеэ уг станц руу буудсан хэрэгт буруутган “цөмийн терроризмын хэрэг үйлдсэн” хэмээн нэрлэцгээж байна. Улмаар Олон Улсын Атомын Эрчим Хүчний Агентлагаас дайтагч хоёр талд уг атомын станцад ирэх уриалга хүргүүлжээ. Мөн НҮБ-ын төрийн нарийн бичгийн дарга Антонио Гутерриш, Туркийн Ерөнхийлөгч Тайир Эрдоган нар удахгүй Украинд айлчлах бөгөөд НҮБ-аас Запорижжиа орчмыг цэрэггүй бүс болгох санал гаргаад байна.
Эх сурвалж: DW