Эрүүл мэндийн технологийн компани Signify Health-ийг худалдан авах өрсөлдөөнд Amazon нэгдсэн тухай мэдээлэл батлагдмагц Signify-ийн үнэлгээ өчигдөр 32 хувиар огцом нэмэгдсэн юм. Улмаар Amazon, CVS, UnitedHealth Group компаниуд үнэ хаялцах болсон бөгөөд Signify Даваа гарагт хийх ТУЗ-ийн хурлаараа саналуудыг хэлэлцэнэ.
Одоогийн байдлаар 6.56 тэрбум ам.долларын зах зээлийн үнэлгээтэй байгаа тус компанийн хувьцааны ханш ийнхүү өссөөр нийтдээ 8 тэрбум ам.доллар давах төлөвтэй байна. Одоогийн байдлаар UnitedHealth компани хамгийн өндөр үнэ буюу нэгж хувьцааг 30 ам.доллароос дээш үнэлж худалдан авах санал тавьсан. Amazon түүнийг удаалж байна. Даваа гарагт Amazon-ийн хувьцаа 3.6 хувиар суларсан байдалтай байлаа.
Энэхүү өрсөлдөөн Amazon-ийг эрүүл мэндийн технологийн салбарт эрчимтэй нэвтрэх төлөвлөгөөтэй байгааг илэрхийлж байна. Amazon анхан шатны тусламжийн үйлчилгээний One Medical компанийн толгой корпорацыг 3.9 тэрбум ам.доллароор худалдаж авахаа долоодугаар сард мэдэгдээд байгаа билээ. Amazon болон Signify Health компаниуд хоёул нэмэлт мэдээлэл өгөхөөс татгалзлаа.
Эх сурвалж: CNBC